Déan obair dheonach linn
An mian leat cuidiú le daoine agus beathaí a shábháil? Is féidir leat iarratas a dhéanamh chun oibriú i gceann dár nAonaid de chuid an Gharda Cósta. I do cháil mar oibrí deonach, beidh tú mar dhuine d’fhoireann de nach mór 1,000 speisialtóir cuardaigh agus tarrthála tiomanta a chuidíonn leis an bpobal ar fud chósta na hÉireann.
Teaghlach as baile atá ann agus chuirfí fáilte Uí Cheallaigh sa teaghlach sin roimh aon duine ar spéis leo dul isteach ann. Is dóigh liom gur fiú go mór é agus téann sé go mór chun tairbhe duit.”
An méid a dhéanann ár n aonaid
Tá gach ceann dár 44 aonad oilte agus feistithe chun oibríochtaí cuardaigh ar talamh a dhéanamh. De réir a suímh timpeall imeallbhord na hÉireann, tá cumais agus riachtanais oibríochtúla shonracha ag aonaid áirithe.
- Aonaid bádÚsáideann na foirne seo báid tarrthála chun cuidiú le daoine atá i dtrioblóid san uisce.
- Aonaid dreaptha aillteÚsáideann na foirne seo téada, trealamh teicniúil agus ardteicnící dreaptha chun tarrthálacha a dhéanamh ar aillte arda géara.
- Aonaid drónÚsáideann na foirne seo dróin atá feistithe le ceamaraí chun cuardach a dhéanamh in áiteanna ar deacair iad a bhaint amach.
Breathnaigh ar chuid dár gcomhaltaí foirne i mbun gnímh!
Faisnéis thábhachtach roimh iarratas a dhéanamh
Is éard a iarraimid ort ná:
- Tiomantas do pháirt a ghlacadh go rialta in oiliúint agus freagairt ar theagmhais.
- Cloí go docht lenár gcuid córas, beartas agus nósanna imeachta maidir le bainistíocht sábháilteachta.
- Braistint láidir d’obair foirne, meas ar do chomhghleacaithe, bród sa tseirbhís a sholáthraímid agus freastal ar ár bpobail.
- Uaillmhian le bheith mar dhuine d’fhoireann ardfheidhmiúil, cur le do chuid scileanna agus rannchuidiú le timpeallacht dheonach agus cultúr eagraíochtúil dearfach.
Is é ár dtiomantas duitse ról tairbheach a sholáthar duit i bhfoireann an‑díograiseach mar aon le timpeallacht oibriúcháin shlán agus an oiliúint, an trealamh agus na próisis is gá chun seirbhís éigeandála den chéad scoth a sholáthar.
Is é an rud is mó a thaitníonn liom faoi bheith mar dhuine de Gharda Cósta na hÉireann na daoine ar ár bhfoireann agus an chomrádaíocht. Bíonn daoine timpeall ort a bhfuil an dearcadh céanna acu agus atá agat féin agus tá siad uile ann ar an gcúis chéanna – chun cuidiú le daoine eile – agus cothaítear caidreamh an‑mhaith a bhuí leis sin.
Grúpa Comhairleach an Gharda Cósta
Tá Grúpa Comhairleach an Gharda Cósta (CUAG) ar an gcomhlacht ionadaíoch dár n‑oibrithe deonacha. Soláthraíonn sé modh cumarsáide struchtúrtha idir bainistíocht Gharda Cósta na hÉireann agus comhaltaí deonacha d’Aonaid an Gharda Cósta.
Aithníonn an grúpa an tábhacht atá le hoibrithe deonacha chun cuardach agus tarrtháil a sholáthar in Éirinn agus ligeann sé dóibh a gcuid smaointe agus comhairle a chomhroinnt maidir le cinntí, beartais agus tionscadail a théann i bhfeidhm ar conas a chuireann Garda Cósta na hÉireann a chuid oibre cuardaigh agus tarrthála i gcrích.
Tairgeann ionadaithe CUAG treoir agus tacaíocht freisin i ndáil le haon fhadhbanna nó ábhair imní a fhéadfaidh a bheith ag comhaltaí deonacha laistigh den Gharda Cósta.
Cuir isteach ar obair dheonach a dhéanamh linn
Bímid i gcónaí ag lorg daoine paiseanta chun oibriú ar ár bhfoireann agus cuidiú le difear a dhéanamh. Dá mbeadh roinnt ama le spáráil agat agus dá mba mhian leat scileanna nua a fhoghlaim le linn rud éigin a thabhairt ar ais, ba bhreá linn cloisteáil uait.
An bhfuil tú réidh chun tosú? Cliceáil ar an nasc thíos chun ár bhfoirm iarratais ghairid d’oibrithe deonacha a líonadh, agus déanfaidh duine dár bhfoireann teagmháil leat go luath.